Kalsiy ionofori

Tuxum hujayrasi urugʻlantirilganda uning ichida kalsiy toʻlqinlari koʻtariladi. Aynan shu toʻlqinlar hujayrani faollashtiradi va boʻlinish shundan keyin boshlanadi. Baʼzan spermatozoid tuxum hujayrasiga kirgan boʻlsa ham bu signal yetarli kuchda boʻlmaydi, va urugʻlantirish sodir boʻlmaydi.

Kalsiy ionofori - oʻsha kalsiy signalini sunʼiy ravishda beradigan modda. Mikroinʼektsiyadan soʻng tuxum hujayralari qisqa vaqt, odatda 15 daqiqa atrofida, ionofor eritmasida saqlanadi, soʻng yuvilib odatdagi oʻstirish sharoitiga qaytariladi. Tibbiy adabiyotda bu sunʼiy aktivatsiya deb ataladi.

Asosiy koʻrsatma - oldingi ICSI siklida urugʻlantirish umuman boʻlmagan yoki juda past boʻlgan holatlar. Sabab koʻpincha spermatozoiddagi PLC-zeta oqsilining yetishmasligi bilan bogʻlanadi; aynan shu oqsil kalsiy signalini boshlab beradi.

Sperma tuzilishi buzilgan ayrim holatlarda, masalan globozoospermiyada ham qoʻllaniladi. Bundan tashqari, oldingi sikllarda embrion rivojlanishi yomon boʻlgan juftliklarda ham koʻrib chiqiladi.

Bugungacha kuzatilgan bolalar orasida tugʻma nuqsonlar chastotasi oshgani qayd etilmagan. Ammo kuzatuvlar soni hali katta emas, shuning uchun usul har bir siklda emas, faqat aniq koʻrsatma boʻlganda qoʻllaniladi.

Kalsiy ionofori haqida batafsil maʼlumot olish va shifokorlarimiz bilan bepul konsultasya uchun biz bilan bogʻlanish formasini toʻldirishingiz mumkin yoki Toshkent : +998 55 512 22 21 , Samarqand : +998 95 061 61 61 , Urganch: +998 90 826 22 24 , Xoʻjand: +992 99 666 06 06 raqamlardan biz bilan bogʻlanishingiz mumkin.