Mikro TESE

Mikro TESE - bu erkaklarda bepushtlik holatlarida qoʻllaniladigan jarrohlik usul. Urugʻida sperma (azoospermiya) boʻlmagan odamlarga moyakdan sperma olinadi va EKU usuli orqali farzand korish imkonini beradi. Kamdan-kam hollarda, mikro-TESE sperma sifati buzilgan odamlar uchun ham qoʻllanilish mumkin va bu yoʻl bilan sogʻlom sperma olinishi mumkin. Urugʻda sperma hujayrasi boʻlmasligining turli xil sabablar boʻlishi mumkin. Bularni quyidagicha sanab oʻtishimiz mumkin:

Sperma kanallarida obstruktsiya

Oʻrnatilmagan moyak

Gormonal sabablar

Tugʻma sperma kanallari yoʻqligi

Genetik sabablar

Giyohvand moddalarni isteʼmol qilish

Har xil infektsiyalar

Radiatsion taʼsir

Ammo bemorlarning yarmida urugʻida sperma yoʻqligini tushuntiradigan biron bir sabab aniqlanmasligi mumkin.

Mikro-TESE operatsiyasida moyak bitta kesma bilan toʻliq ochiladi va spermatozoid boʻlishi ehtimoli boʻlgan sohalarni aniqlash uchun mikroskop bilan 24 marta kattalashtiriladi. Sperma ishlab chiqaradigan kanallar juda keng koʻrinadiganligi sababli, ular osonlikcha ajralib turadi va kerakli toʻqimalar operatsiyani bajaradigan urolog tomonidan toʻplanadi. Bu toʻqima namunalari bir qator jarayonlar orqali qayta ishlanadi va ular ichidagi jonli sperma hujayralari ajratiladi. Jonli sperma topilgan va mikroinjektsiya uchun ayoldan toʻplangan tuxum tayyor boʻlsa, suniy urugʻlantirish shu kuni amalga oshiriladi. Koʻp miqdordagi sperma olingan taqdirda, ishlatilmagan sperma hujayralari muzlatilib saqlanadi va kelajakda amalga oshiriladigan EKU muolajalarida ishlatiladi.

Micro TESE usuli ilgari oʻtkazilgan biopsiya usuliga qaraganda koʻproq va sifatli sperma olish imkoniyatini taqdim etadi. Mikro TESE usulining yana bir afzalligi shundaki, moyakni mikroskop ostida oziqlantiradigan tomirlar yaxshiroq kuzatiladi va moyakning shikastlanishi minimallashtiriladi.

Mikro TESE - bu operatsiya xonasi sharoitida va umumiy behushlik ostida bajariladigan operatsiya boʻlib, taxminan 1-2 soat davom etadi. Operatsiya 6 soatlik ochlik bilan amalga oshirilishi kerak. Micro TESE operatsiyadan keyin bemor 3-4 soat davomida kuzatuv ostida boʻladi. Keyin 3-4 kundan uyda dam olish tavsiya etiladi. Bemor 10 kun davomida ogʻir ish bilan shugʻullanmasligi va jismoniy faoliyatdan uzoq turishi kerak.

Mikro TESE operatsiyasidan chiqqan bemorlar narkoz taʼsiri oʻtguncha (2-3 soat) kuzatuv ostida boʻladi keyin uylariga qaytishlari mumkin.

Mikro TESE operatsiyadan keyin bemorni uyga qaytayotganda avtomobil haydash tavsiya etilmaydi.

Bemorga operatsiyadan keyin yotish kerak emas, ammo 10 kun davomida ogʻir jismoniy mashqlar qilmaslik va jinsiy aloqada boʻlmaslik tavsiya etiladi.

Bandaj operatsiyadan 48 soattan keyin amalga oshirilishi kerak.

Dushni Micro TESE operatsiyadan 3 kun oʻtgach olish mumkin.

Bemorlarga operatsiyadan keyin 10-15 kun davomida qattiq ichki kiyim yoki suspenziyadan foydalanish tavsiya etiladi.

Dikişlarni olishning hojati yoʻq, chunki tikuvlar taxminan bir hafta ichida oʻz-oʻzidan eriydi.

“Mikro TESE operatsiyasini necha marta qilish mumkin?”savolga aniq javob yoʻq. Birinchidan, bemorning klinik maʼlumotlari va avvalki TESE muolajalari natijalari baholanishi lozim. Ushbu baholashdan soʻng TESE jarayonini takrorlash zarurati bor-yoʻqligi haqida qaror qabul qilinadi. Agar Micro TESE jarrohlik zarur boʻlsa, bir necha marta amalga oshirilishi mumkin.

Mikro TESE operatsiyasidan keyin sperma topilmasa, olingan toʻqimalar patologik tekshiruvga yuborilishi kerak. Ushbu tekshiruv natijasida olinadigan patologik tashxis bemorni keyingi TESE protseduralarida spermatozoidlarni aniqlash haqida imkoniyat koʻrsatadi.

Qonunda talab qilinganidek, Micro TESE operatsiyasining narxi haqidagi maʼlumotni veb-saytimizda eʼlon qila olmaymiz. Micro TESE operatsiyasi haqida batafsil maʼlumot olish va shifokorlarimiz bilan bepul konsultasya uchun biz bilan bogʻlanish formasini toʻldirishingiz mumkin yoki Toshkent : +998 55 512 22 21 , Samarqand : +998 95 061 61 61 , Urganch: +998 90 826 22 24 , Xoʻjand: +992 99 666 06 06 raqamlardan biz bilan bogʻlanishingiz mumkin.